Байгалийн гамшигт үзэгдэл болох зудын үеийн Боловсрол-судалгааны үр дүнгээс

Abstract

Монгол Улс бол хоёрхон сар үргэлжилдэг дулааны улирал богино, 45 хэм хүртэл хүйтэрдэг урт өвлийн улиралтай дэлхийн хамгийн хатуу ширүүн уур амьсгалтай орнуудын нэг юм.

Өвөлжилт, хаваржилт хүндэрсэн, аймаг, сумдад цас их орсон зудын нөхцөлд малчин өрхийн ачаалал эрс нэмэгдсэнээр өрхийн бүх гишүүд мал аж ахуйн ажилд дайчлагдахтай холбоотойгоор малчдын хүүхдүүд хичээлээ хийх завгүй байдаг.

Зудын нөхцөлд мал ихээр хорогдож өрхийн амьжиргаа доошилдогоос малчдын сэтгэл зүй хүнд, энэ нөхцөлд  хүүхдийнхээ хичээл сурлагад анхаарах боломж малчин эцэг, эхийн хувьд бага байдаг. Энэ өгүүлэлд  гамшиг, онцгой байдлын үеийн хуулийн зохицуулалтад шинжилгээ хийх, Байгалийн гамшиг зудын үед сурагчдын  хичээлийн ирц эрс буурдаг шалтгаан нөхцөлийг илрүүлэх, сургуулийн барилга болон дотуур байрны халаалтын систем доголдох, паар хөлдөх, анги танхим хүйтэн болох, ундны ус хомсдох гэх мэт эвдрэл, доголдол гарах зэрэг эрсдэлд сургууль хэрхэн бэлэн байдаг талаар тодруулахыг зорив. Сургуулийн удирдлагын зүгээс энэхүү эрсдэлийг хэрхэн даван туулсан болон урьдчилан сэргийлэх ямар арга хэмжээ авсан байдлыг тодруулах зэрэг болно.