СУРГУУЛИЙН ӨМНӨХ БОЛОВСРОЛЫН ХУВИЛБАРТ СУРГАЛТЫН ГАРЫН АВЛАГА, АППЛИКЭЙШНИЙ ТУРШИЛТ ЭХЭЛЛЭЭ
Боловсролын судалгааны үндэсний хүрээлэн (БСҮХ) нь НҮБ-ын Хүүхдийн сангийн дэмжлэгтэйгээр сургуулийн өмнөх боловсролын шинэчилсэн сургалтын хөтөлбөрийг малчин өрхийн хүүхдийн онцлог, хэрэгцээнд нийцүүлэн гэр бүлийн орчинд ашиглах боломжтой "Хувилбарт сургалтын багшийн зөвлөмж", "Аав, ээжийн ном", "Хүүхдийн ном"-ын туршилтын хувилбарыг боловсрууллаа. Тус гарын авлагыг интернетгүй орчинд гар утас, таблет дээр ашиглах боломжтой аппликэйшний загварыг хөгжүүлээд байна.
Гарын авлага, аппликэйшнийг танилцуулах уулзалтыг 10 дугаар сарын 23-ны өдөр НҮБ-ын Хүүхдийн сангийн "Монгол гэрт" амжилттай зохион байгууллаа. Уулзалтад Боловсролын яам, БСҮХ-ийн Эрдэмтэн нарийн бичгийн даргаар ахлуулсан ажлын хэсэг, НҮБ-ын Хүүхдийн сангийн төлөөлөл болон 16 аймгийн 50 орчим хувилбарт сургалтын багш нар оролцов.
Оролцогч багш нар сургалтын багц хэрэглэгдэхүүнийг хүлээн авсан бөгөөд 2026 оны 11 дүгээр сараас эхлэн энэ хичээлийн жилийг дуустал сургалтын үйл ажиллагаандаа туршин ашиглах юм. Цаашид туршилтын үр дүнд үндэслэн хувилбарт сургалтын хэрэглэгдэхүүнийг сайжруулж, үндэсний хэмжээнд нэвтрүүлнэ.
