ЕВРОПЫН ХОЛБООНЫ ERASMUS+RETEACH ТӨСЛИЙН СУРГАЛТ ИТАЛИ УЛСЫН ПАЛЕРМО ХОТОД ЗОХИОН БАЙГУУЛАГДЛАА.

Европын Холбооны Erasmus+RETEACH төслийн сургалт 2026 оны 2 дугаар сарын 1-нээс 3-ны өдрүүдэд “Enhancing Teacher Education Practices for Innovation” сэдвийн хүрээнд Итали Улсын Палермо хотод зохион байгуулагдлаа.

Сургалтад Боловсролын яам, Боловсролын ерөнхий газар, Боловсролын судалгааны үндэсний хүрээлэн, МУБИС, МУИС-Зүүн бүсийн сургууль, Хангай дээд сургууль, Дархан дээд сургуулиудын төлөөлөл оролцлоо.

Европын холбооны түнш байгууллагууд болох Universitatea Transilvania din Brașov (UNITBV), CESIE ETS, Università degli Studi di Palermo (UNIPA) нь сургалтыг удирдан явуулж өөрсдийн арвин туршлага, мэдлэгээ хуваалцав.

Академик хамтын ажиллагаа болон мэргэжлийн хөгжлийг дэмжихэд чиглэсэн уг арга хэмжээ нь мэндчилгээ болон зорилго, зорилтоо танилцуулснаар эхэлсэн. Нээлтийн үеэр Олон Улсын хамтын ажиллагааны ач холбогдол, багшийн боловсрол дахь инновац, ногоон болон цахим ур чадварыг сурталчлах хүрээнд хийж буй ажлуудыг дурдсан.

Мөн энэхүү сургалт нь туршлага солилцох, чадавх бэхжүүлэх, боловсролын чанарыг сайжруулахад чиглэсэн талбар болж байгааг онцлов.