МОНГОЛЫН БОЛОВСРОЛЫГ ТОГТВОРТОЙ ХӨГЖҮҮЛЭХ ҮЗЭЛ САНАА

Энэхүү өгүүлэлд Монголын боловсролыг тогтвортой хөгжүүлэх үзэл санааг нийгмийн олон салбарын 1464 төлөөллийг танхим, цахимаар хамруулан хэлэлцүүлж, оролцогчдоос ирүүлсэн санал, зөвлөмжөөс гарсан үр дүнг экспертийн ярилцлагаар сайжруулан үндэсний чуулганаар хэлэлцүүлж баталгаажуулсан үр дүнг танилцуулав. Монголын боловсролыг тогтвортой хөгжүүлэх үзэл санааны нэгэн хувилбарыг боловсролын динамик загварт суурилан: Оршин тогтнохын үндэс нь Монголын боловсролын философи, Чиглэх алтан гадас нь Алсын хараа, Алсын хараа руу хөтлөх луужин нь Үнэт зүйл, Нийгэмд төлөвших хүн нь Монгол суралцагч, Монгол суралцагчийг дэмжих Тэргүүлэх чиглэлүүд, Олон нийтийн оролцоог эрхэмлэсэн Хамтын ажиллагаа, түншлэл, Хэрэгжилтийг найдвартай, тогтвортой байлгах Боловсролын цахим шилжилт ба их өгөгдөл, Үр дүнд суурилсан Боловсролын санжүүжилт гэсэн бүтцийн хүрээтэй байхаар тодорхойлов.