ЕРӨНХИЙ БОЛОВСРОЛЫН СУРГУУЛИЙН БАГШИЙН ЧАДАМЖИЙН ХҮРЭЭНИЙ ТӨСЛИЙН ХААЛТЫН УУЛЗАЛТ, ХЭЛЭЛЦҮҮЛЭГ БОЛЛОО.

“Багшийн чадамжийн хүрээг боловсруулах” төслийн үр дүнг хэлэлцэх, баталгаажуулах зорилготой уулзалт, хэлэлцүүлгийг Боловсролын яам, ЮНЕСКО, ЮНЕСКО-гийн Монголын үндэсний комисс болон Боловсролын судалгааны үндэсний хүрээлэн хамтран зохион байгууллаа.

Уулзалт, хэлэлцүүлгийг нээж НҮБ-ын Суурин зохицуулагч Яап ван Хиердэн, ЮНЕСКО-гийн Монголын үндэсний комиссын Ерөнхий нарийн бичгийн даргын орлогч С.Уянга, Боловсролын яамны Бодлого төлөвлөлтийн газрын дарга Б.Бадамжав нар үг хэлэв.

Уулзалт, хэлэлцүүлэгт Боловсролын яам, Боловсролын ерөнхий газар, Боловсролын үнэлгээний төв, Боловсролын магадлан итгэмжлэх үндэсний зөвлөл, их, дээд сургууль, үйлдвэрчний эвлэл, НҮБ-ын төрөлжсөн агентлагууд болон иргэний нийгмийн байгууллагын 50 гаруй төлөөлөл оролцлоо.

БСҮХ-ээс шинэчлэгдсэн нөхцөл байдлын судалгаа; багшийн чадамжийн хүрээний төслийн эцсийн хувилбар; үндэсний хэлэлцүүлгийн үр дүн, тайлан танилцуулсан.

Цаашид

- Багшийн чадамжийн хүрээг албажуулах, бодлогод тусгах

- Төслийн дараах оролцогч талуудын үүрэг, оролцоог тодорхойлох

- Багшийн чадамжийн хүрээг сайжруулах, танилцуулах төлөвлөгөө

- Судалгааны үр дүнг эмхэтгэн танилцуулах чиглэлд талууд санал нэгдлээ.