ERASMUS+ RETEACH ТӨСЛИЙН ХҮРЭЭНД ХӨНДЛӨНГИЙН ШИНЖЭЭЧТЭЙ УУЛЗАЛТ ХИЙЛЭЭ

“Монгол Улсад багш боловсролын ногоон болон дижитал шилжилтэд нийцүүлэн шинэчлэх нь” Erasmus+ RETEACH төслийн хүрээнд хөндлөнгийн шинжээч, зөвлөх Арьяак Навоян болон төслийн үндэсний зохицуулагч доктор, профессор Б.Одгэрэл нартай уулзалт зохион байгууллаа.

Уулзалтад Боловсролын судалгааны үндэсний хүрээлэнгийн Эрдэмтэн нарийн бичгийн дарга Х.Отгонбаатар, эрдэм шинжилгээний ажилтан О.Цоморлиг, судлаач Г.Баянзул нар оролцов.

Энэ үеэр багш боловсролын ногоон болон дижитал чадамжийн хүрээ, жишиг шалгуурын төслийн талаар санал солилцож, төслийн хэрэгжилтийн явц, үр дүн, цаашдын үйл ажиллагааны талаар хэлэлцэн ярилцлаа.

Erasmus+ RETEACH төсөл нь ногоон болон дижитал шилжилтэд нийцсэн багш бэлтгэх боловсролын бодлого, хөтөлбөр, арга зүйг шинэчилж, багшийн тасралтгүй хөгжлийг дэмжих цогц тогтолцоог бүрдүүлэх зорилготой юм.