СОНСГОЛЫН БЭРХШЭЭЛТЭЙ СУРАЛЦАГЧДЫН УНШИХ-ОЙЛГОХ, БИЧИХ ЧАДВАРЫГ CHROMEBOOK АШИГЛАН ДЭМЖИХ ТУРШИЛТ СУДАЛГААНЫ ҮР ДҮНГ ХЭЛЭЛЦҮҮЛЛЭЭ

“Тэгш боломжийг бүрдүүлэх замаар суралцахуйг дэмжих” төслийн хүрээнд 2025 оны 08 сард Боловсролын яамны төрийн нарийн бичгийн даргын тушаалаар Боловсролын яам, Боловсролын судалгааны үндэсний хүрээлэн, Google Mongolia, тусгай хэрэгцээт сургууль, төрийн бус байгууллагын төлөөллөөс бүрдсэн ажлын хэсэг байгуулагдаж “Сонсголын бэрхшээлтэй суралцагчдад зориулсан туслах хэрэглэгдэхүүн (chromebook)-ий тохируулга хийх туршилт-судалгаа”-г Нийслэлийн ЕБ-ын 29 дүгээр сургууль дээр 2025 оны 11 сараас 2026 оны 05 сарыг хүртэл хугацаанд амжилттай хэрэгжүүллээ.

Уг туршилт-судалгааны зорилго нь Сургалтад цахим хэрэгсэл (Chromebook, Google tools) ашигласнаар сонсголын бэрхшээлтэй суралцагчийн унших, ойлгох, бичих, байгалийн ухаан, математик, цахим ур чадвартай холбоотой суурь чадварт гарах өөрчлөлтийг тогтооход чиглэсэн.

Хэлэлцүүлэг зохион байгуулагчдын зүгээс туршилт-судалгааны үр дүнг хэлэлцүүлж, багш нар хичээл, сургалтаар суралцагчдын чадварт гарсан өөрчлөлт, туршилтын үр дүнгийн талаар танилцуулж, дүгнэлээ.