МОНГОЛ УЛСЫН PISA-2025 ҮНЭЛГЭЭНИЙ ҮНДЭСНИЙ ҮР ДҮНГ ТАНИЛЦУУЛАХ, ЗӨВЛӨЛДӨХ УУЛЗАЛТ БОЛЛОО

Боловсролын яам, Боловсролын судалгааны үндэсний хүрээлэн хамтран “Монгол Улсын PISA-2025 үнэлгээний үндэсний үр дүнг танилцуулах, зөвлөлдөх уулзалт”-ыг зохион байгууллаа.

Тус уулзалтад багш бэлтгэдэг 20 гаруй их, дээд сургуулийн 70 гаруй багш, эрдэмтэн, судлаач, магистр, докторант оролцов.

Уулзалтаар дараах чиглэлээр хамтран ажиллахаар санал нэгдэв. Үүнд:

1. Судалгааны сэдэв болгох: Магистр, докторын судалгааны ажлыг PISA-үнэлгээний өгөгдөлд тулгуурлан шаардлагатай бодлогын чиглэлтэй холбосон байдлаар хийхэд чиглүүлэх;

2. PISA Secondary Analysis Grant / залуу судлаачдын хөтөлбөр хэрэгжүүлэх: Магистр, докторант, залуу багш, судлаачдын PISA өгөгдөлд тулгуурласан жижиг хэмжээний судалгааг сонгон судалгааны грантаар дэмжлэг үзүүлэх.

3. Хамтарсан судалгааны баг байгуулах: БСҮХ, БҮТ, их сургуулийн багш нар, магистр, докторантын бүрэлдэхүүнтэй судалгааны багууд тодорхой бодлогын асуудал дээр ажиллах;

4. PISA- Үндэсний судалгааны сүлжээ үүсгэх: PISA өгөгдөл ашигласан судалгааны семинар / ЭШХ тогтмол зохион байгуулж, бодлогын зөвлөмж, олон улсын өгүүлэл хэвлүүлэх;

5. Хамтарсан сургалт, арга зүйн үйл ажиллагаа зохион байгуулах: БСҮХ-ийн судлаачид, БҮТ-ийн мэргэжилтнүүд их сургуулиудын холбогдох тэнхим, судалгааны багт PISA-ийн өгөгдөлтэй ажиллах, шинжилгээ хийх, тайлбарлахад нь дэмжлэг үзүүлэх сургалт зохион байгуулах;

6. PISA судалгааны нэгдсэн сан хөгжүүлэх: Монголын PISA 2022, 2025 болон цаашдын мөчлөгийн өгөгдөл ашигласан магистр, докторын ажил, өгүүлэл, бодлогын зөвлөмж, арга зүйн материалын нэгдсэн цахим сан бий болгох. Ингэснээр ижил судалгааг давтан хийхээс сэргийлж, судалгааны үр дүнг хуримтлуулан, PISA-ийн мөчлөг хооронд трендийн судалгаа хийх суурь бүрдэнэ.