БАГШЛАХУЙ БОЛОН СУРАЛЦАХУЙГ ХӨГЖҮҮЛЭХЭД GOOGLE ХЭРЭГСЛИЙГ АШИГЛАХ ҮР НӨЛӨӨ (МУБИС-ИЙН ЕБС-ИЙН ЖИШЭЭН ДЭЭР)

Google for Education компанийн албан ёсны түнш iCORE Mongolia, Боловсролын яам, Боловсролын ерөнхий газар хамтран хэрэгжүүлсэн "Албус" судалгааны төслийн хүрээнд Боловсролын судалгааны үндэсний хүрээлэнгийн судалгааны баг нь МУБИС-ийн харьяа ерөнхий боловсролын сургуульд 2024 оны 11 дүгээр сараас эхлэн 3.5 сарын хугацаанд туршилт судалгаа хэрэгжүүлэв. Google-н боловсролын бүтээгдэхүүнийг хичээл, сургалтад ашиглах нь багшлахуй болон суралцахуйд нөлөөлж байгаа эсэхийг илрүүлэх зорилго бүхий уг судалгаанд дээрх сургуулийн 7 дугаар ангийн туршилтын болон хяналтын нэг нэг бүлэг сонгон тоон болон чанарын аргуудыг ашиглаж, явцын болон үр дүнгийн талаарх мэдээллийг цуглуулан дүн шинжилгээ хийж, дүгнэлт, санал боловсруулав. Туршилт – судалгааны үр дүнгээс харахад танхимын сургалтын явцад суралцагчдын ухаалаг утасны хэрэглээ 88.6 хувь байсан бол төслийн үр дүнд 42.9 хувь болж буурсан, Chromebook ашигласан хичээлийн оролцоо нэмэгдсэн байна. Мөн Google хэрэгслийн тусламжтай суралцагчид хичээлдээ илүү сонирхолтой болж, өөртөө итгэх итгэл нэмэгдэж өөрсдийн санаа бодлоо илэрхийлэхэд илүү чөлөөтэй болсон байна. Chromebook болон Google хэрэгсэл хэрэглэх нь суралцагчдыг багаараа ажиллахад дэмжлэг болдог гэж багш нарын 71.4 хувь нь, суралцагчид ангийнхантайгаа харилцахад дэмжлэг болдог гэж 64.3 хувь нь тус тус санал нийлсэн байна. Туршилтын эхэн үед танхимын сургалтад багш нарын 40 орчим хувь нь техник хэрэгсэл, программ хангамжийг 7 хоногт 3-4 удаа ашигладаг байсан бол туршилтын үр дүнгийн шатанд 92.8 хувь нь Chromebook болон Google хэрэгслийг зарим цаг дээр болон хичээл бүр дээр ашигласан байна. Мөн багш нарын цахим ур чадвар нэмэгдэж, суралцагчдын STEAM чадвар дээшилж, хайлтын системээр эрэл хайгуул хийх, асуудал шийдвэрлэх чадварт ахиц гарсан.

БШУЯ, Б. (2022). Хувьсаж буй боловсрол” үндэсний хэлэлцүүлэг. УБ. Татаж авсан холбоос: https://www.news.mnier.mn/posts/48/24

БШУЯ (2022). Монгол Улсын боловсролын салбарын цахим шилжилтийг хэрэгжүүлэх арга хэмжээний төлөвлөгөө. Татаж авсан холбоос: https://legalinfo.mn/mn/detail?lawId=17140893789801

Боловсролын судалгааны үндэсний хүрээлэн (2023). Иргэдийнцахим ур чадварын хэрэгцээ тодорхойлох судалгаа. Татаж авсан холбоос: https://sudalgaa.gov.mn/irgediyn-tsakhim-ur-chadvaryn-kheregtsee-todorkhoylokh-sudalgaa-cs6

Итгэл, М., Отгонбаатар, Х., Санжаабадам, С., Туяа, У., Энхжаргал, Х., & Дэнсмаа, Ж. (2024). Монголын боловсролыг тогтвортой хөгжүүлэх үзэл санаа. Боловсролын Судалгааны Монголын Сэтгүүл, 29(2). https://doi.org/10.56380/mjer.v29.2.1

УИХ. (2020). “Алсын хараа -2050” Монгол улсын урт хугацааны хөгжлийн бодлого. Татаж авсан холбоос: https://legalinfo.mn/mn/detail?lawId=211057

ЮНЕСКО. (2016). “Тогтвортой хөгжлийн зорилго 4 – Боловсрол 2030”-ийг дэлгэрүүлж ойлгох нь. Гарын авлага.

Future Education Innovation Center Seoul National University (2024). The Evaluation of Effective of Using Google for Education Products. 2024-1 Albus Project in Goseo Elementary & Nampyeong Middle School, Jeonnam, South Korea

The Vietnam National Institute of Educational Sciences (2022). Google Solutions in Vietnam: How technology transforms teaching and learning experimental school of educational science.

OECD (2018). Teaching and Learning International Survey Report